بایکۆت گشتی لە مەکتەویل سلێمانی

شەفەق نیوز/ نوینەر ماموستایەیل لە پارێزگای سلێمانی، ئمڕوو پەنجشەممە،  بایکۆت گشتی خوەنین لە مەکتەوەیل  و دەسکردن وە خوەنیشاندان داواکاریەیلیان راگەیان.

ئازاد حەمە فەرحان نوینەر ماموستا مانگردگەیل لە کۆنگرەیگ رووژنامەوانی ک ئاژانس شەفەق نیوز ئامادەی بوی  وت، لەوەر پشتگوش خستن داواکارییەلمان و خەرجنەکردن پاداشت و پلەبەرزکردن پیشەیی تایبەت وە فەرمانبەرەیل وە گشتی ئەرا ماوەی چەن ساڵیگ، لە شەممەی ئایندە بایکۆت هۆڵەیل خوەنین کەیمن.

وتیش، " لە رووژ شەممەو دەسکەیمنە خوەنیشاندان ئەرا زوورهاوردن وەبان لایەنەیل پەیوەندیدار وە خەرجکردن شایستەیلمان وە لایەن حکومەت.

ئازاد داوا لە گشت فەرمانبەرەیل کرد بەشداری خوەنیشاندانەیل بکەن ، داوا لە کەسوکار خوەنەوارەیل کرد لە رووژ شەممەو مناڵیلیان ئەرا مەکتاوەیل حکومی کلنەکەن.