بازرگانی کوردستان مەوقەی وەرگردن گەنم ل کشاوەرزەیل هەرێم راگەیان

شەفەق نیوز/ وەزارەت پیشەسازی و بازرگانی لە حکومەت هەرێم کوردستان، ئمڕوو یەکشەممە، مەوقەی وەرگردن بەرهەم گەنم کشاوەرزەیل هەرێم راگەیان لەدویای هەماهەنگی وەگەرد وەزارەت بازرگانی فیدراڵ.  

وەزارەتەگە لە بەیاننامیگ رەسیە ئاژانس شەفەق نیوز وت، " رووژ چوارشەممە بڕوار (25-5-2022)دیاریکریایە، ئەرا وەرگردن بەرهەم گەنم کشاوەرزی ئمساڵ لە کشاوەرزەیل هەرێم".  

وتیش، "  پێویستە کشاوەرزەیل لە گشت ناوچەیل هەرێم کوردستان بەرهەم گەنمەیلیان برەسننە ئەو سایلۆیەیلە ک  ها لە شارەگەیان". 

ئەنجومەن وەزارەت فیدراڵ، رووژ سێشەممەی گوزەشتە بڕیاردا، لە چوارچمگ پاڵپشتی و قازانج وەرز بازاریکردن حکومەت ئەرا کشاوەرزەیل و  نرخ سەنین گەنم کشاوەرزەیل بەرزەو بکەێد و ئەرا 850 هەزار دینار ئەرا یەک تەن لە جیای 750 هەزار.