ئاو ناچار خەڵک کۆمەڵگەیگ نیشتەجییوین لە سلێمانی کەێد خوەینشاندان بکەن.. وینە
عەلا عارف، یەکیگ لە دانیشتگەیل ئەرا ئاژانس شەفەق نیوز وت: زیاتر لە پەنج ساڵە لەی کۆمەڵگە ژیەم، وەرجەیە کرای ئاو ١٥ هەزار دینار ئەرا مانگیگ چەسپیا، ئەراوە ئەو بڕە پویلە زیای کرد تا مانگانە بڕەسێدە 25 هەزار دینار، هەرچەن خزمەتگوزاری ئاوەگە بەد بویە”.
وتیش: "دانیشتگەیل کۆمەڵگەگە داوا کردن خزمەتگوزاری ئاو لە ئیدارەی شوینەگە خاسترەو بکرێد، داوایش کردیمن کە بکریەێدە مەتر هەکاتی بەشیک گەڕەکەیل بە نرخیگ کە لە 400 دینار زیاتر نەوود ئەرا هەر مەتریگ، و دیاری کرد کە لەی مانگ کە نرخ ئاو بەرزەو بویە تا رەسیە بە ١٧٥ هەزار دینار، وتیش لە هەفتەیگ زیاترە و هویچ ئاویک ئەرا ماڵەیل زیاتر لە ٥ ساعەت کل نەکریاس، و دەرکەفت کە یەک مەتر وە هەزار و ٧٥٠ دینار حیساب کریاس، و یەیش زیاترە لە پڕۆژە بازرگانییەیل نەک لە پڕۆژەی نیشتەجیبوین”.
لەلای خوەییش کەمال محەمەد هاوڵاتی ئەو ناوچە ئەرا پەیامنێر ئاژانس شەفەق نیوز دووپات کرد کە، “مووچەی خانەنشینیم لە ٢٣٠ هەزار رەد نیەکەێد لە مانگیگ، و داوا لە ئیدارەی قایمقامیەت و دەسەڵاتە فەرمییەیل کەم کێشەی ئاو چارەسەر بکەن و نرخ هەر مەتر چوارگووشە بکەنە 400 دینار، هەکاتی ئەو ناوچەیل پارێزگاگە”.
وتیش: "کۆمەڵگەگە وەدەس کێشەی خزمەتگوزارییەیل ترەک ناڵێد، بەڵام لە تاوسان کێشەی ئاوەگە دەرکەفێد لەوەر زیادبوین داوا و وەکارهاوردن ئاو."
