کازمی پەیوەندی وە سەرۆک هەرێم کوردستان کەێد

شەفەق نیوز/ نێچیرڤان بارزانی سەرۆک هەرێم کوردستان، شەوەکەی ئمڕوو یەکشەممە، پەیوەندییگ تەلەفۆنی لەلایەن موستەفا کازمی سەرۆک وەزیران عراق فیدڕاڵی وەرگرد.

سەرۆکایەتی هەرێم لەبەیانامەیگ رەسیە ئاژانس شەفەق نیوز وت: لە پەیوەندیە تەلەفۆنیەگە وەگەرد پێروزبایی لە نێچیرڤان بارزانی سەرۆک هەرێم وەبۆنی جەژن نەورووز و سەر ساڵ نوو کوردی، کازمی باس لە ئومید خوەی کرد ک بوودە ساڵیگ پڕ بلە ئارامی و ساڵ نوویگ پڕ لە سەکەفتن و خوەشحاڵی ئەرا بەڕێز سەرۆک هەرێم وەگشت گەل کوردستان بوود.

لەلای خوەییش، بارزانی سوپاس خوەی ئاڕاستەی کازمی لەبان پەیوەندیەگەی کرد، و ئومید ئەمن و ئارامی و چارەسەرکردن گرفتەیل و وەپشتسەرنان قەیرانەیل عراق خوازێد.