ئه‌ڕا به‌شداریكردن له كۆنفرانس داڤوس، بارزانی سوو وه‌ره‌و ئوردون كه‌فێده ڕێ
كوڕبه‌ندیه‌گه‌ێ ئمساڵ له ژێر دروشم " په‌یاكردن چوارچێوه‌ى تازه‌ێگ ئه‌ڕا شكوفایی و هاوكاری له ناونی هه‌ردو كه‌رت گشتی و تایبه‌ت" وه‌رپا كریه‌ێ و چه‌نه‌ها وڵات هه‌رێمی و ناوده‌وڵه‌تی و نزیكه‌ێ 1000 كه‌سایه‌تی سیاسی و چالاكه‌یل ڕێكخرياگه‌یل كومه‌ڵگاێ ناوده‌وڵه‌تی له په‌نجا وڵات جه‌هان به‌شداری له‌تێ كه‌ن.
فاخوری زیاتر وتگه: كوڕبه‌ندیه‌گه زه‌مینه‌ێ فكری گوفتوگو له ناونی چه‌نه‌ها شه‌ریك یا هاوبه‌ش فه‌راهه‌م ئه‌كا له‌وانه‌یش: حكومه‌ته‌یل و پیاوه‌یل و ژنه‌یل بازرگان و ده‌زگاگان كومه‌ڵگاێ مه‌ده‌نی له خوه‌رهه‌ڵات و خوه‌رئاوا و كه‌نداو و گشت باوه‌ته‌یل سیاسی و ئابووری و پلانه‌یل چاكسازی ك ئه‌نجامه‌یل ئیجابی دێرن و هه‌میش پێشهاته‌یل ئوردون و ناوچه‌گه له‌یه‌كه‌و دریه‌ێ.
له ئاست ناوده‌وڵه‌تی سه‌روك كومار كوسۆڤۆ عاتفه یه‌حیا ئاغا و شۆماره‌ێگ وه‌زیر و كاروه‌ده‌س حكوومی له كه‌رت تایبه‌ت و میدیاكاره‌یل و ڕێكخرياگه‌یل كومه‌ڵگاێ مه‌ده‌نی و چه‌نه‌ها سه‌رۆك و نوێنه‌ر ده‌زگاگان ناوده‌وڵه‌تی به‌شداری كوڕبه‌ندیه‌گه كه‌ن.
