ئاگر له كۆگايگ سوزه‌مه‌نى له هه‌ولێر كه‌فته‌وه و كارمه‌نديگ له‌تى گيان له‌ده‌سدا
2020-05-16T10:54:29+00:00
شه‌فه‌ق نيوز/ سه‌رچه‌وه‌يگ له وه‌رگرى شارستانى له پاريزگاى هه‌ولێر، ئاشكراى گيان له‌ده‌سداين كارمه‌نديگ كرد له ئه‌نجام ئاگركه‌فتنه‌وه له كۆگايگ عه‌مباركردن سوزه‌مه‌نى.
سه‌رچه‌وه‌گه وت: ئه‌و ئاگره ده‌مه‌و شه‌وه‌كى ئمڕوو كه‌فته‌سه‌و له كۆگايگ سوزه‌مه‌نى له پشت وێستگه‌ى سوزه‌مه‌نى له‌بان رێ مه‌خمور له پاريزگاى هه‌ولێر.
سه‌رچه‌وه‌گه يه‌يش خسته‌ڕوێ، له‌و رويداگه كارمه‌نديگ يه‌كسه‌ر گيان له‌ده‌سداگه له‌ئه‌نجام سزيان وه‌و ئاگره‌و باس له‌وه‌يش كرد تيمه‌يل ئاگركوشنه‌وه هه‌وڵ كوشاننه‌وه‌ى ئاگره‌گه دانه.
