سەرچەوەگە وە ئاژانس شەفەق نیوز خەوەردا، هێزە ئەمنیەیل توەنستنە کەسیگ دەسگیربکەن کە 10 مۆر وەناوەیل کۆمپانیا جیاوازەیل وەپی بویە.

وتیش، ئۆپراسیۆنەگە لەدویای دانان کوڵەی قایمگ دەسگیرکریایە لەناوچەی جادەی سەلمان فائق لە کەرادە ناوڕاس بەغدا.

لە رویداویگتر، کوڕیگ لەداڵگبوی 2008 زەخمداربویە وە تەقەکردن لە خوەی کە تەقەلای خوەیکوشتن دایە وەپای قسەی کەسوکارەگەی و وەگورەی سەرچەوە ئەمنیەگەمان.

سەرچەوەگە وتیش؛ کوڕەگە دانشتگ ناوچەی ئوم ئەلکەبیرە و غەزلانە لە وەرهەڵات پایتەخت و بیماری دەروینی دیرێد.

هەمیش، دادگای تاوانەیل کەرخ سزای دە ساڵ زیندانیکردن ئەرا کەسیگ دەرکرێد کە خوەی وە ئەفسەر لە دەزگای هەواڵگێری نیشتیمانی عراقی ناسانییە.

ناوەن راگەیانن ئەنجومەن باڵای دادگا لە بەیاننامەیگ رەسیە ئاژانس شەفەق نیوز وت؛ "زیندانیەگە پیشەی خوەی وە یەکیگی لە پیشە گشتیەیل ناسانیە لەوەر وەدەسهاوردن بڕە پویلیگ کە رەسیەس زیاتر لە  (350) مليۆن دينار ئەرا دامەزرانن کەسەیلیگ و دەرکردن فەرمان دامەزرانن ساختە لە ماوەی ساڵ 2023"، وتیش "سزاگە وەپای بڕگە مادەیل 160 ساڵ  1983 بڕگەی یەکەم /1 و2 وە مادە هاوبەشەیل 47 ،48 ،49 لەیاسای سزادان دریایە".