په‌روه‌رده‌ى عراقى له‌باره‌ى تيكه‌ڵكردن خوه‌ندكاره‌يل وه خوه‌ينيشانداين به‌ياننامه‌يگ ده‌ركرد
شه‌فه‌ق نيوز/ سوها عه‌لى به‌گ، وه‌زير په‌روه‌رده، له به‌ياننامه‌يگ وت: هه‌وڵ تيكه‌ڵكردن خوه‌ندكاره‌يل وه خوه‌ينيشانداينه‌يل ئى دوياخره له‌ڕێ ده‌ركردنيان له خوه‌ندنگايه‌يل، يا ريگه‌وه‌پيدان وه خوه‌ينيشانداينيان له‌ناو خوه‌ندنگايه‌يل كاريگه ره‌ته‌وكرياێ و نه‌بايه‌د قه‌بول بكريه‌ێد.
به‌ياننامه‌گه جه‌خت له‌وه كرد خوه‌ندكاره‌يل جوور ئه‌مانه‌تن له‌لا كادره‌يل ده‌رسده‌ر و ئداره‌يل خوه‌ندنگايه‌يل له‌وه‌ر مقه‌يه‌تيكردن له سه‌لامه‌تى و زه‌مانه‌تيان ئه‌را ئه‌وه‌گ تيكه‌ڵ وه هويچ كرده‌وه‌يگ سياسى نه‌كريه‌ن، له‌وه‌ر ئه‌وه‌گ هانه خوار ته‌مه‌ن ياسايى و ئى ره‌فتار دوياخريشه ده‌رهه‌قيان شايه‌ت بخاده‌يانه مه‌ترسى.
جى باسه، وه‌زير په‌روه‌رده داوايش له كادره‌يل ده‌رسده‌ر و ئداره‌ى خوه‌ندنگايه‌يل و وه‌ڕيه‌وبه‌رايه‌تيه‌يل په‌روه‌رده له‌گشت پاريزگايه‌يل كرد مقه‌يه‌تى له خوه‌ندكاره‌يل بكه‌ن رێ نه‌يه‌ن ده‌ربكريه‌ن له خوه‌ندنگايه‌يليان وه‌هويچ شيوه‌يگ، مه‌گه‌ر ته‌نيا له‌وه‌خت كووتاييهاتن ده‌وام فه‌رمى و گله‌وخواردنيان ئه‌را ماڵه‌يليان.
