په‌رله‌مان ئاشكراى ريكاريگ تازه‌ى حكومى كرد له‌باره‌ى قه‌يه‌غه‌ى هاتوچوو
شه‌فه‌ق نيوز/ شانه‌ى قه‌يران نوێنه‌رايه‌تى، ئاشكراى ئه‌وه كرد حكومه‌ت ريكاريگ تر ئه‌گرێده‌وه‌ر ئه‌را لاوردن قه‌يه‌غه‌ى هاتوچوو گشتگير و له‌وه‌رگرتن رێ وشوون قه‌يه‌غه‌ى نيمچه‌يى و كه‌ره‌نتينه‌كردن ناوچه‌يى.
له‌ى باوه‌ته‌و، عه‌باس علێوى ئه‌ندام ليژنه‌گه ئه‌را ئاژانس شه‌فه‌ق نيوز وت: شماره‌ى تويشبوين وه ڤايرۆس كۆرۆنا له‌ى رووژه‌يل دوياخره روێ له به‌رزه‌وبوين كردگه‌و عراق رووژانه زياتر له هه‌زار حاڵه‌ت تۆمار ئه‌كا، باس له‌وه‌يش كرد لاوردن قه‌يه‌غه‌ى هاتوچوو گشتگير له‌بان به‌غدا و پاريزگايه‌يل تر عراق په‌يوه‌سه وه راپۆرت وه‌زاره‌ت ته‌ندروستى.
ئاماژه وه‌يه‌يش كرد حكومه‌ت ريكار تر ديرێد ئه‌را لاوردن قه‌يه‌غه‌ى هاتوچوو و جيوازبوين ئه‌را قه‌يه‌غه‌ى نيمچه‌يى وه‌ل كه‌ره‌نتينه‌كردن ناوچه‌يى له‌و ناوچه‌يله ك ريژه‌ى تويشبوين وه كۆرۆنا له‌تيان به‌رزه.
