پویچەوکردن دوو باند بازرگانیکردن وە مادەی هوشبەر لە سلێمانی و نەینەوا

وەڕێەوبەرایەتیەگە لە بەیاننامەیگ راگەیان، وەگەرد جیوەجیکردن بڕیار دادوەر ئەرا دەسگیرکردن دوو کەس وە توومەت دزیکردن مەفرەزەیل بەش پۆلیس دژە تاوان لە سلێمانی ئەرایان دەرکفێد دوو توومەتبارەگە وەگەرد توومەتباریلتر  باندیگ دروسکردنە ئەرا دزیکردن و وەکارهاوردن و بازرگانیکردن وە مادەی هووشبەر، دیاریکرد توومەتبارەیل دەسگیرکریانە و دەسنریایە وەبان ئەو بڕە مادەی هووشبەرە وەپیان بویە وەگەرد دوو پارچە چەک لە جویر دەوانچە.

ئاشکەرایکرد توومەتارەیل شەش کەس بوینە: (ه،س،ر) لەداڵگبوی 2000، (أ،ر،ح) لەداڵگبوی 1993، (ر،س،ر ) لەداڵگبوی  1991، (چ،غ،ع) لەداڵگبوی 2000، (چ،أ،ك) لەداڵگبوی (1998)، (ح،ع، م) لەداڵگبوی 2001.

وەبڕیار دادوەر دەسگیرکریان و دان وە تاوانەگیان دانان ک شمارەیگ تاوان لە سنوور پارێزگای سلێمانی ئەنجامدانە، تا ئیسەیش لێکۆڵینەوە وەگەردیان وەردەوامە.

هەمیش، دەزگای ئاسایش نیشتمانی  لە بەیاننامەیگ ئمڕوو راگەیان، مەفرەزەیل لە پارێزگای بابل لەدویای هەماهەنگی وەگەرد وەڕێەوبەرایەتی ئاسایش نەینەوا و تەقەلای هەواڵگێری و وەرگردن رەزامەنی دادوەر توەنستن باندیگ رخبەر لەمادەی هووشبەر پوچەوبکەن ک لە 3 کەس پێکهاتبوین لە پارێزگای نەینەوا لە کوڵەی قایمیگ ک ئەرایان دانریاوێد لە شار حلە، 400 هەزار دەنگە حەب لەلیان گیریایە.

ئاشکەرایکرد، لەدویای لێکۆڵینەوە وەگەرد  کەسەیل باندەگە دان وەئەوە نانە مادەیل هووشبەر لە ناوچە جیاوازەیل پارێزگایەیل ناوڕاس و باشوور بەشەوکردنە، دیاریکرد وتەی توومەتبارەیل وارگیریاس و ئەرا لایەنەیل تایوەت کلکریەن تا سزای دادپەروەرانەی خوەیان وەربگرن.