وێنە.. وەرجە قەیەغەی هاتووچگن.. جادەیل بەغداد پڕ لەماشین بوون
شەفەق نیوز/ جادەیل بەغداد پایتەخت، ئمڕوو چوارشەممە، وەگەرد نزیکەوبوین دەمەوکردن و جیوەجیکردن قەیەغەی هاتووچگنەگە، پڕ لە رزەیل ماشینەیل بوی.
پەیامنێرەیل ئاژانس شەفەق نیوز وتن: جادەی ئەبو نەواس لەبان چەم دیجلە، وهەمیش جادەی عەرەسات، وەگەرد جادەی سەدە وکەرادە خارج، ک گشتی هالە ناوچەی کەرادە لەلای رەسافەی بەغداد، قەرەباڵغیگ لە ماشینەیل وەخوەیان دین.
وتنیش؛ خاڵەگەی تاجی وەرەو باکوور خوەرئاوای بەغداد، ئەوەیش قەپات بوی وەڕزەیل ماشینەیل، لەوەر وازکردن تەنیا دوو ری لە هەفت ریەگان ئەرا ماشینەیل.
پەیامنێرەیل نشان دان ک ری زوینەی ناوچەی دۆڕە لە باشوور بەغداد وەرەو ناوچەی بەغداد جدیدە، ئەویش پڕ لە ماشین بویە، لەوەر قەرەباڵغی لە ری دەرچگنەگە ک وەرەو ری موعەسکەر رەشید چوود.
جی باسە ک ئمڕوو سێشەممە، خوەی دویاترین رووژە وەرجە جیوەجیکردن قەیەغەی هاتووچگن گشتگیرگە، ک لە سوو چوارشەممە تا ٢٢ ئی مانگ ئایارە دەس وەپیکەێد.
