وەشوینکەفتنیگ ئەمنی وە مردن داواکریاییگ کۆتایی تیەێد لە باشوور عراق

شەفەق نیوز ـ بەسرە

ناوچەیگ لەناوڕاس پارێزگای بەسرە، شەفەق ئمڕوو سێشەممە،  ئۆپراسیۆنیگ ئەمنی وەخوەی دی ک وە کوشیان یەکیگ لە داواکریاگەیل کۆتایهات لەدویای وەشوینکەفتنی وەلایەن هێزە ئەمنیەیل و دەسگردن وەبان مادەی هووشبەر و چەک.

سەرچەوەیگ ئەمنی وە ئاژانس شەفەق نیوز وت " هێزیگ لە بەش بەڕەنگاربوین مادەی هشبەر و دەروینەیل کوڵەی قایمیگ دانان  ئەرا یەکیگ لە داواکریاگەیل ناوچەی عالیە، و تەقەلای دەسگیرکردن توومەتباریگ دان کە وایە و تەقە لە هێزەیل ئەمنی کردیە لەری ئەو دەوانچە کە وەپی بویە".

وتیش "هێزەگە توەنستن دەسبگرن وەبان چەک داواکریاگە، وەرد مادەی هووشبەر لەجویر کریستال وە بڕ 4 گرام،  دویای ئەوەگ لەناو کویچەیگ ناوچگە دەورەی دریا".

ئاشکرایکرد "توومەتبار  ئەرا بان خانگ ماڵیگ چگە تەقەلای واین دایەی، باجی هێزەیل ئەمنی لەبان ماڵیگ وە زەخمداری پەیاکەن، دەوەجی لەری ماشین پۆلیس ئەرا خەستەخانەی فێرکاری بەسرە برێد".

وتیش "توومەتبار مەوقەی بردنی ئەرا خەستەخانە گیان لەدەسدەێد، مەفرەزەیگ بەڵگەناسی تاوان دەسکردە لێکۆڵینەوەی سرەتایی ئەرا تەرمەگە، و هویچ شوینەواریگ کەوەوبوین و لێدان لەقێیەو نەویە، ئەرا دسنیشانکردن هووکار مردنەگەی ئەرا پزیشک دادوەری کلکریا".