وە زیاتر لە یەک ملیار عراق پەنجەمین گەپترین هاوردەکەرە لە تورکیا

شەفەق نیوز – بەغدا/ ئەنقەرە

وەپای راپۆرتیگ دامەزراوەی ئامار تورکیا، عراق لە پلەی پێنجەم ئەو وڵاتەیلەس کە فرەترین هاوردە لە تورکیا کردنە، وە بڕ زیاتر لە یەک ملیار دۆلار، لە مانگ ئایار.

دامەزراوەگە لە راپۆرتیگ کە ئاژانس خەوەری شەفەق نیوز وەپیاچگن ئەراکردیە راگەیاندیە  "هەناردەی تورکیا ئەرا مانگ ئایار رەسیەس 24.817 ملیار دۆلار، کە وە ڕێژەی 2.6% زیایکردیە، هاوکات هاوردەکردن رەسیەس 31.462 ملیار دۆلار، کە وە بەراورد وە هەمان مانگ ساڵ 2024 وە رێژەی 2.7% زیایکردیە".

دیاریکرد، "ئەڵمانیا وڵات هاوبەشی سەرەکی هەناردەکردنە، وە بەهای 2.096 ملیار دۆلار، لە دویای ئەویش بەریتانیا وە یەک ملیار و 523 ملیار دۆلار و ئەمریکا وە 1.511 ملیار دۆلار".

وتیش "ئیتاڵیا وە بڕ یەک ملیار و 221 ملیۆن دۆلار لە پلەی چوارەمە، عراقیش وە یەک ملیار و 119 ملیار دۆلار لە پلەی پێنجەمە. پەنج وڵات سەرەکی لە مانگ ئایار 2025 30.1%ی کوو  هەناردەکردنیان پێکهاوردنە".

عراق فرەیگ لە کاڵا و کەرەستە و خوۆراکەیلس لە وڵاتەیل هاوسا و وەتایبەت تورکیا و ئیران و تا ڕادەیگ کەمتر لە وڵاتەیل کەنداو و ئوردن هاوردە کەێد.