وەزارەت تەندروسی هوشداری لەباوەت تۊیشبۊیل ئۆمیکرۆن دەێد
شەفەق نیوز/ وه‌زاره‌ت ته‌ندروسی عراق هوشداری لەباوەت ڤایرۆس ئاڵشتبۊی ئۆمیكڕۆن دا، و دووپاتکرد ڤایرۆسه‌گه رۊی لە بەرزەوبۊین کردیە و ئەوانەگ ئیسە رۊی لە خەسخانە کردنە و مەننە ئەو کەسەیلەن ڤاکسین وەرنەگردنە.
وه‌زاره‌ت ته‌ندروسی له بەیاننامیگ بڵاوکرد: له چه‌ن رووژ گوزەشتەەم ڕێژه‌ی تۊشبۊیەیل كۆڕۆنا وەشیوەی زۊی و رخبەریگ به‌رز بۊیە ئه‌ویش لەوەر بڵاوبۊین ڤایرۆس ئاڵشتبۊی ئۆمیكڕۆنه، بیگومان ڕێژه‌ی مەنن تۊشهاتگەیلیش له خەسخانەیل لەی رووژەیلە وه‌رده‌وام رۊ له بەرزەوبۊینە.
دووپاتکرد زیاتر ئه‌وانه‌گ ئیسە تیەنە خەسخانە ئه‌وانه‌ن ڤاكسین وه‌رنه‌گردنە، ده‌زگا ته‌ندروستییه‌یل ئاماده‌كاری ته‌واو کردنە ئەرا ئی شه‌پۆڵ بڵاوبۊین كۆڕۆنا له‌ڕۊ داوده‌رمان و پێداویستییه‌یل پزیشكی ئەرا چاره‌سه‌كردن تۊشبۊیەیل له سه‌رجه‌م پارێزگایەیل.
راگەیانیش، بنكه‌یل ته‌ندروسی له گشت عراق وەرده‌وامن له وەپیدان ڤاكسین له جۊرەیل باوه‌ڕوەپیکریایەیل ڕێكخریاگ ته‌ندروسی جەهانی، داوا له هاووڵاتیەیل كردیه زۊی بكه‌ن له وه‌رگردن تاقەبەشەیل ڤاكسین ک تا ئیسە یە تاكه چاره‌سه‌ره ئەرا په‌تاگه و كه‌مبۊن نیشانه و مه‌ترسییه‌یل مردنیش.
داوا له سه‌رجه‌م وه‌زاره‌ت و داموده‌زگا حکومەتی و ناحكومەتی كرد بڕیاره‌یل دەسەی باڵای ته‌ندروسی و سه‌لامه‌تی نیشتمانی جیوەجی بكه‌ن لەباوەت وه‌رگردن ڤاكسین ئەرا فه‌رمانبه‌ر و ئه‌وانه‌گ رۊی لەلی کەن.
