وەرز وارانین مزگانیدار.. مەزەنەیل کەشوهەوا چەودیاری بەرزەوبۊن رێژەی وارانەیل لە عراق لە زمسان کەن
شەفەق نیوز - بەغداد
شارەزای کەشوهەوا سادق عەتیە، ئمڕوو جمعە، وت کە مەزەنەی نموونەی ئەوروپی وەرزانە (ECMWF)، وەپەی دۊایین نووەوکردنەیلی ئەرا وەرز زمسان 2026/ 2027، دەسنشان وە چگن وەرەو بەرزەوبۊن رێژەی وارانەیل لەبان رێژەی کەشوهەوایی لە بەشەیل فراوانیگ لە وڵاتەگە دەن، وەرد نشانەی ئەرێنی ئاشکراتر لە شارەیل باکوور و خوەرهەڵات عراق، لە ماوەی کانوون یەکەم/ دیسەمبەر 2026 تا شوبات/ فێبرایەر 2027.
عەتیە لە بڵاوکریاییگ ئەرا خوەی لەبان ماڵپەڕەیل پەیوەندی کۆمەڵایەتی دیاری کردەو، کە ئی نشانەی ئەرێنییە لە ماوەی کانوون دۊیەم/ یەنایەر تا ئازار/ مارس 2027 وەردەوام بوود، وەرد جیاوازی ئەگەرەیل وارین لەڕۊ شوینەو.
عەتیە دوو وینە ئەرا مەزەنە دەرچگەیل لە نموونەی ئەوروپی (ECMWF System 5) بڵاو کرد کە رێڕەو وارین واران لەڕی دوو نەخشەی وەختی ئاشکرا کەنەو:
سەرەتای وەرزەگە (DJF 2026/27): لە وینەی یەکەم دەرکەفێد و ئەو ماوە دووشێد کە دریژەو بوود لە کانوون یەکەم/ دیسەمبەر 2026 تا شوبات/ فێبرایەر 2027؛ کە فرەی نەخشەگە وە رەنگ سەوز لەبان عراق بوود، وە دیاریکردن ئەگەریگ کە رەسێدە (40-60%) ئەرا بەرزەوبۊن وارانەیل لە رێژەی گشتیی، وە تایوەت لە ناوچەیل باکوور و خوەرهەڵات.
ناوڕاس وەرزەگە (JFM 2027): لە وینەی دۊیەم دەرکەفێد و ماوەی کانوون دۊیەم/ یەنایەر تا ئازار/ مارس 2027 پووشێد؛ کە رۊبەرە سەوزەیل وەردەوام بویین لە فراوانەوبۊن لەبان وڵاتەگە، وە دووپاتکردن وەردەوامبۊن وەرز وارانین وە بەرزتر لە رێژەیل ئاسایی وەرد جیاوازی وارین لەڕۊ شوینەو.
