وەرد سەردانەگەی سودانی.. دەیان دەرچگ لەناوڕاس دیالە خوەنیشاندان کەن

شەفەق نیوز/  دەیان دەرچگ زانکۆ، ئمڕوو چوارشەممە، وەرد رەسین سەرۆک ئەنجومەن وەزیرەیل محەمەد شیاع سودانی ئەرا پارێزگای دیالە  لەناوڕاس شار بەعقوبە خوەنیشاندانکردن و داوای دامەزرانن کەن.

پەیامنێر ئاژانس شەفەق نیوز راگەیان " شمارەیگ لە دەرچگەیل لە نزیک جادەی موحافزە لەناوڕاس شار بەعقوبە خوەنیشاندان کردن لەدویای ئەوەگ هێزە ئەمنیەیل نواگیری لەلیان کردن لەناوای بینایگ حکومي ناوخوەیی خوەنیشاندان بکەن".

وتیش؛ " هێزە ئەمنیەیلیگ لە پێکهاتە جیاوازەیل رێکارەیل توونیگ جیوەجیکردن لە جادەی موحازە لە پارێزگای دیالە وەرد رەسین سودانی ئەرا پارێزگاگە وە بوونە وازکردن شمارەیگ پرۆژە".

سەرۆک ئەنجومەن وەزیرەیل محەمەد شیاع سودانی، شەوەکی ئمڕوو چوارشەممە، رەسیە پارێزگای دیالە ئەرا وەدویاچگن کردن وەڕیوەچین کارەیلە لە دانان سەنگ بناغەی  شمارەیگ پرۆژەیل  لە پارێزگاگە.