وەگەرد زیایبوین ژاوەژاو لە مەیدان تەحریر.. گورز نوویگ لەبان ناوچەی خەزرا
2022-09-28T14:30:09+00:00
شەفەق نیوز/ مووشەکەیل نوویگ، ئیوارەی ئمڕوو چوارشەممە، کەفتە ناوچەی خەزرا لە ناوڕاس بەغداد، وەگەرد، زیایبوین ژاوەژاوەگە لە دەورگردی، ک سەدان لە ناڕەزایل گردەو بوینە وتەقەلا دەن بچنە ناو ناوچەگە.
سەرچەوەیگ ئەمنی ئەرا ئاژانس شەفەق نیوز وت: گورزە نووەگە وە سێ مووشەک ناوچەگە کردە ئامانج، یەکیگیان کەفتە نزیک ئەمینداری ئەنجومەن وەزیرەیل، و فیکەی هوشداری لە باڵیۆزخانەی ئەمریکا کوتیا.
یە دویەم گورزە لەیجویرە وەماوەی چەن ساعەتەیل کەمیگ، هەنای سێ مووشەک کەفتە دەورگرد ئەنجومەن نوینەرەیل عراق، ک ئمڕوو ئەرا هەڵوژاردن جیگر یەکەم سەرۆک ئەنجومەنەگە و دەنگدان وە رەتکردن دەسکیشان محمد حەلبووسی دەری واز کرد.
