پویچەڵکردن تەقەلای خوەیکوشتن ئەندامیگ پولیس هاتوچو لە بابل
2024-01-07T15:19:49+00:00
شەفەق نیوز/ فەرماندەیی پولیس بابل، ئمڕوو یەکشەممە، پویچەڵکردن تەقەلای خوەیکوشتن ئەندامیگ لە وەڕیەوبەرایەتی هاتوچو بابل راگەیان، کە لەبان چەن توومەتیگ دەسگیر کریاس، هەناێ تەقەلا داگە چەن گولەیگ وە چەک کلاشینکۆف لەخوەی بەێد، دویای زەخمەیلی قەیلیگ لە ملی.
فەرماندەییەگە لە بەیاننامەیگ رەسیە ئاژانس شەفەق نیوز وت: توومەتبارەگە لەناو یەکیگ لە بنکەیل پولیس لە بەغداد بەندی کریایوێد، و یاداشت لە دادگای هیزەیل ئاسایش ناوخوەیی دەرچگە کە بیریەێدە دەس وەڕیەوبەرایەتی هاتوچو بابل.
وتیش: مەوقەی چگن توومەتبارەگە وەپاسەوانی مەفرەزەیگ لە پولیس بەغداد، تفەنگ لە دەس پولیسیگ رواکان و تەقە لە مل خوەی کرد.
پولیس دووپات کرد کە توومەتبارەگە تویش زەخمداری قویلیگ بوی لە ملی و ئەرا خەسەخانەی حلە بریا، وتیش: لێکۆڵینەوە لە رویداوەگە واز کریا.
