وە بەشداری فڕوکەی ناودەوڵەتی.. کوشیاگەیلیگ لە داعش لە نزیک مووسڵ (وێنە)
2021-03-09T08:45:34+00:00
شەفەق نیوز/ سەرچەوەیگ سەربازی، ئمڕوو سێشەممە، خەوەردا لە کوشتن ژمارەیگ لە ئەندامەیل ریخریاگ داعش لە ئۆپراسیۆنیگ لەلایەن سوپای عراق لە باشوور مووسڵ.
سەرچەوەیگ سەربازی ئەرا ئاژانس شەفەق نیوز وت: هێزەگە دەور ژمارەیگ لە ئەندامەیل ریخریاگ داعش لە یەکیگ لە حەشارگەیل لە کوڵەیل ناوچەی عەدایە گردن، و دویای گیرهاوردنیان، وەگورزیگ ئاسمانی مووشەکی لە فڕۆکەیگ جەنگی و ئیجا فڕۆکەی سوپای عراق کریانە ئامانج.
لەلای خوەییش لیوا روکن عەبدولحسێن خەزعەلی فەرماندەی فیرقەی پیادەی شەشەم ئەرا ئاژانس شەفەق نیوز وت: ئۆپراسیۆنەگە بویە هووکار کوشتن ١٢ ئەندام لە داعش، و ئۆپراسیۆنەگە وە پاڵپشتی هاوپەیمان ناودەوڵەتی و فڕۆکەی سوپا بوی، و هێزیگ لە شانەی هەواڵگری سقوور هەمیش بەشداری کرد.
