وە ئامادەبوین نێچیروان بارزانی.. نووسینگەی سودانی ناوەڕۆک دیدار سەرکردەیل چوارچیوە راگەینێد (ڤیدیۆ)
لە بەیاننامەیگ کە رەسیە ئاژانس شەفەق نیوز وت: سودانی دویەشەو میوانداری گردەوبوین سەرکردەیل چوارچیوەی هەماهەنگی وە ئامادەبوین سەرۆک هەرێمی کوردستانی عێراق، نێچیروان بارزانی، کە لە گردەوبوینەگە تاوتوی بڕیگ پرسە نیشتمانییەیل و مەرجە گشتیەیل، پبشکەودفتن جیوەجیکردن بەرنامەی حکومەت، و ئەو پیشکەفتنەیلە وەدەس هاتنە، لە قایمکردن لایەنەیل کار هاوبەشی ناوەین حکومەت فیدراڵی و هەرێم، هەمیش چاوخشانن وە تەواوکردن ڕێکخستنەیل ئەرا چارەسەرکردن گشت گیچەڵەیل ئیداری و تەکنیکییە هاوبەشەیل .
لە ناو دیدارەگە ئسودانی دووپات لە جددیەت حکومەت کرد لە کارکردن ئەرا دامەزرانن هاوبەشییگ بنیاتنەر و بەرهەمدار، کە وەشیوەیگ ئەرێنی لە ئاست پێشکەشکردن خزمەتگوزاری ئەرا سەرجەم عراقییەیل لە گشت بەشەیل وڵات ڕەنگدانەوەی بوود، بیجگە لە پیشخستن پەرەپێدان هەمەلایەنە و جیوەجیکردن ئامانجەیل بەرنامەی حکومەت، ئەرا رەسین وە خواستەیل هاوڵاتیەیل و چەسپانن ئاسایش و ئارامی.
وەگورەی بەیاننامەگە، ئامادەبویەیل ئەو گامەیلە بەرز نرخانن کە وە شیوەیگ ئەرا چارەسەرکردن گیچەڵە هاوبەشەیل ناوەین حکومەت فیدراڵی و هەرێم خریانەسە وەرچەو، یەیش ئەڵگەردانا ئەرا وەردەوامی فاکتەر ژیان و ئارامی ئابووری ئەرا هاوڵاتیەیل پارێزگایل هەرێم، بیجگە لە پشتگیریکردن لە گامەیل حکومەت لە بیناکردن ژیرخان ئابووری و وەدەسهاوردن چاکسازی ئابووری و دووپاتکردن لەبان مقیتیکردن دارایی گشتی.
دویەکە شەممە، هاوپەیمان ئیدارەی دەوڵەت گردەوبوینیگ ئەنجامدا ڕەرا تاوتوێکردن پێشهاتەیل لە ئاست ناوخۆ و هەرێمی و ناودەوڵەتی، وە ئامادەبوین نێچیروان بارزانی.
