گولەی هاوڕی و راهێنان سەربازی کۆتایی وە ژیان دوو گەنج تیارێد
2023-11-25T11:02:23+00:00
شەفەق نیوز/ دوو سەرچەوەی ئەمنی، ئمڕوو شەممە، خەوەردا لە مردن خوەنەواریگ لە کۆلێژ سەربازی لە مەوقەی پرۆسەی راهێنان لە پارێزگای زیقار، هەمیش گەنجیگ وە شیوەی هەڵە کوشیا لە پارێزگای بەسرە.
یەکیگ لە سەرچەوەیل وە ئاژانس شەفەق نیوز وت " خوەنەواریگ بیس ساڵانە کۆلێژ سەربازی لە پارێزگای زیقار کە خەڵک بەغدادە لەدویا ئەوەگ لە بەرزایی کەفێدە خوار لە مەوقەی راهێنان کردن لە کۆلێژەگە گیان لەدەسدەێد"، وتیش" تەرمەگە ئەرا پزیشک دادوەری کلکریایە تا رێکارەیل پێویست بگیرێدە وەر".
لە بەسڕە، سەرچەوەیگتر وە ئاژانس شەفەق نیوز خەوەردا، " کەسیگ لە ناوچەی حەیانیە چەکەگەی لە جویر (کلانشیکۆفە) تاقیکەێد وە هەڵە تەقە لە هاوڕێگەی کەێد لە لەلای بویە"، دیاریکرد "هێزەیل ئەمنی رەسینەس شوین رویداوەگە تەرەمەگە ئەرا پزیشک دادوەری کلکردنە، دەسوەجی تاوانبارەگە دەسگیرکردنە".
