کوشیان و زەخمداری ٧ کەس وە رویداویگ هاتوچو لە سەڵاحەدین
2023-04-24T08:40:33+00:00
شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە کوشیان و زەخمداری هەفت کەس وە رویداویگ هاتوچو دڵتەزن خوەرھەڵات پارێزگای سەڵاحەدین.
سەرچەوەگە ئەرا ئاژانس شەفەق نیوز وت: ٣ کەس مەدەنی گیانیان لەدەس دان، و چوار کەسیش زەخمدار بوین لە ئەنجام لەیەکداین دوو ماشین لەبان ری بەغداد - کەرکوک نزیک ناحیەی سلێمان بەگ لە قەزای دووزخورماتوو خوەرهوڵات سەڵاحەدین، لە وەخت دیریگ لە شەو گوزەشتە.
وتیش: مەفرەزەیل فریاکەفتن و وەرگری شارستانی قوربانیەیل ئەرا پزشک دادوەری رەسانن، و زەخمدارەیل ئەرا خەسەخانە، و دەسەڵاتەیل هاتوچو لێکۆڵینەوە لە رویداوەگە واز کردن.
