کوشیان و زەخمداری ٣ کەس و تاڵانکردن ماشینیگ لە زیقار

شەفەق نیوز/ سەرچەوەیگ ئەمنی لە زیقار، ئمڕوو شەممە، خەوەردا لە کوشیان و زەخمداری ٣ کەس وە رویداویگ هاتوچو لە باشوور پارێزگاگە.

سەرچەوەگە ئەرا ئاژانس شەفەق نیوز وت: رویداویگ هاتوچو لەبان ری ناسریە – بەسرە، نزیک کێلگەی سەبە باشوور شار ناسریە بویە هووکار کوشیان کەسیگ لەناو تەمەن چل ساڵی، و زەخمداری دووانتر، ئەرا خەسخانە بریان.

لە رویداویگتر، سەرچەوەگە وت: ماشینیگ مارکەی "چارجەر" لەبان ری قەزای چبایش – ناسریە لەلایەن چوار کەس تاڵان کریا، وەگورەی قسەی خاوەنەگەی لەلای بنکەی پۆلیس.

سەرچەوەگە وتیش: تاوانکارەیل ماشینەگە لە گەراج بەغداد لەناوڕاس ناسریە گردنە کرا ئەرا قەزای چبایش، و لەناو ریەگە تاڵان خاوەنەگەی کردنە و ماشینەگە دزینە، و شیوەی ماشینەگە دریا دەزگا ئەمنیەیل تا مینەی دزەیل بکەن.