کوشیان و زەخمداری دوو ژن و مردن دوو کەس و زەخمداری کەسیگ وە رویداوەیل لە سێ پارێزگای عراق

شەفەق نیوز/ سەرچەوەیگ ئەمنی، ئمڕوو جومعە، خەوەردا لە کوشیان ژنیگ وە دەس شویەگەی لە ناحیەی "شوان" باشوور پارێزگای کەرکوک.  

سەرچەوەگە وە ئاژاس شەفەق نیوز وت، پیاوەیگ  لە دیر وەخت دویشەو لە ناحیەی "شوان" وە ئەو چەکە وەپی بویە تەقە لە ژنەگەی و براژنەگەی کردیە لە ئەنجام ژنەی گیان لە دەسدایە و ئەوەکەیش زەخمدارە. 

سەرچەوەگە وتیش؛ پیاوەگە لە دویای ئەنجامدان ئەو کارە تەقە لە خوەییش کردیە   باوجی تویش زەخمداری بویە و ئەرا چارەسەر کلکریاسە خەستەخانە. 

لە رویداویگتر، هێزەیل پۆلیس ناوخوەیی تەرم کراکاریگ پەیاکردنە ک ناسنامەی نادیارە، تەمەنی نزیکەی 40 ساڵە، ک لە نهۆم دویەم بینایگ تەواو نەویە کەفتیەسە خوار  لە ناوچەی ئەمین جادەی مەکاتب خوەرهەڵات بەغدای پایتەخت.  

سەرچەوەیگ ئەمنی وە ئاژانس شەفەق نیوز وت: لە پارێزگای نەینەوایش گەنجیگ تەمەن 18 ساڵان خنکیا لە  چەم دیجلە لای چەپ موسڵ لە وەخت مەلەوانی لە چەمەگە. 

باسکرد، لەماوەی کەمتر لە یەک مانگ نزیکەی 15 کەس لە پارێزگای نەینەوا خنکیایە، حکومەت ناوخوەیی هەرچەن بڕیار قەیەغەکردن مەلەوانیکردن لە چەم دایە باوجی دانشتگەیل شارەگە پابەند بڕیارەگە نین وە مدووی بەرزەوبوین پلەی گەرما.