کوشیان و زەخمداربوین سێ کەس وە رووداوەیلیگ لە بەغداد
شەفەق نیوز/ سەرچەوەیلیگ ئەمنی، ئمڕوو سێشەممە، خەوەردان لە کوشتن یەک کەس وەدەس کەسیگ تر، و هەمیش ناخاڵەیگ کوشیا، و دوێەتیگ تەقەلای کوشتن خوەی دا، لە جووراجور رووداوەیلیگ لە ناوچەیل بەغداد پایتەخت.
سەرچەوەکان ئەرا ئاژانس شەفەق نیوز وتن: یەک مەدەنی وەدەس کەسیگ تر لەوەر ناوکۆکییگ لەبان پارچە زەوییگ کشتوکاڵی لە ناوچەی سەعادە لە خوەرهەڵات بەغداد پایتەخت کوشیا.
وەگورەی سەرچەوەیل؛ گەنجیگ لە داڵگبوی ٢٠٠٦، لەوەر پیچخواردن پەت هەیتاوە وەدەور ملی لەناو ماڵەگەی خوەی لە ناوچەی عەگەرگوف لە بەغداد کیانی لەدەس دا.
هەرلیوا، دوێەتیگ لە داڵگبوی ١٩٩٧ لەناو ماڵەگەی خوەی لە ناوچەی وەشاش، وە دەوانچەیگ گولە داگە شان راس خوەی وزەخمدار بوی، و وەرەو خەسەخانە بریا.
و ئاگریگ لەوەر شۆرتیگ کارەبایی لەناو کارەگای بەغداد ئەرا دروسکردن بووری پلاستیک لەناوچەی بووب شام لە باکوور بەغداد بویەو.
سەرچەوەیگ لە وەرگری مەدەنی وت: ئاگرەکە لەلایەن ئاگرکوژێنەوە کپەو کریا، وتیش: ئاگرەگە بویە هووکار سزانن بەشیگ لە کارەگاگە، وەبی تۆمارکردن زەخمداربوین.
