کوشیان وەرپرسیگ لە داعش وەگەرد یاوەرەگەی لە نەینەوا

شەفەق نیوز/ فڕۆکەی عراق،  ئمڕوو شەممە،  گورزیگ ئاسمانی لەبان یەکیگ لە سەرکردەیل ریخریاگ داعش لە خوەرئاوای پارێزگای نەینەوا جیوەجی کرد.  

سەرچەوەگە ئەرا ئاژانس شەفەق نیوز وت: گورزەگە بۊیە هووکار کوشیان ئیدارەکار ویلایەت دیجلە لە ریخریاگ داعش،  وەگەرد یەکیگ لە یاوەرەیلی لە کەرت جەزیرە.  

ئی گورزە دۊیای فەرمان موستەفا کازمی فەرماندەی گشتی هێزە چەکدارەیلە هاتز ک دۊیەکە رینمای پابەندی وە باڵاترین پلەی ئامادەباشی کرد ئەرا نواگرد پلان تیرۆریستەیلە، و جیوەجیکردن ئۆپراسیۆنەیل گەپیگ لەو ناوچەیلە ک ریخریاگ داعش وەکاریان تیارێد، لە پشت ئەو پەلامارە ک داعش لەبان سوپای عراق لە دیالە جیوەجی کرد.