کوشیان گەنجیگ و زەخمداری دویەتیگ وە ناکۆکیەیل خیزانی لە هەولێر و بەغدا
شەفەق نیوز/ سەرچەوەیلیگ ئەمنی، ئمڕوو سێشەممە، خەوەردان لە کوشیان گەنجیگ و زەخمداری دویەتیگ لەئەنجام ناکۆکیەیل خیزانی لە بەغداد و هەولێر.
سەرچەوەگە ئەرا ئاژانس شەفەق نیوز وت: مرافەیگ خیزانی لە قەتاع ٣٢ لە شار سەدر (سەورە) خوەرهەڵات بەغداد، رەسیە وەکارهاوردن چەک سووک، وبویە هووکار زەخمداری دویەتیگ وە گولە وەدەس ئاموزای، دیاری کرد ک زەخمدارەگە ئەرا خەسخانە بریا، و هیزە ئەمنیەیلە لێکۆڵینەوە لە رویداوەگە واز کردن، و کەفتنە مینەی تاوانکارەگە.
سەرچەوەگە وتیش: دوو کەس نەناسریاگ وەکووڵ ماتوورسکڵیگ تەقە لە کابرایگ مەدەنی لەناوچەی بەلەدیات خوەرهەڵات بەغداد کردن، ئەویش تەقە لەلیان کرد، وەبی کەفتن زەخمداری، دیاری کرد ک پەلاماردەرەیل وەرەو شوین نادیاریگ واین، و ئەو کابرا لەلای بنکەی پۆلیس سکاڵا توومار کرد.
لەلاییگتر، سەرچەوەیگ ئەمنی لە پارێزگای هەولێر پایتەخت هەرێم کوردستان، دیاری کرد ک گەنجیگ لەناو تەمەن سی ساڵان، وەناو (بارزان رەمەزان) وە گولەی کلاشینکۆف کوشیا، ئەوەیش دویای مرافەیگ خیزانی، نیمەڕو ئمڕوو، لە ناوچەی زانیاری ناوڕاس هەولێر.
سەرچەوەگە وتیش: هیزە ئەمنیەیلە رەسینە شوین رویداوەگە و لێکۆڵینەوە واز کردن، و توەنست وە ماوەی کەمتر لە یەک ساعەت بکوشەگە دەسگیر بکەن.
