کوشیان سێ کەس و زەخمداری کەسیگ وە رویداوەیلیگ جیاجیا لە بەغداد
2024-08-10T12:33:40+00:00
شەفەق نیوز/ سەرچەوەیگ ئەمنی، ئمڕوو شەممە، خەوەردا لە کوشیان سێ کەس وە رویداوەیل هاتوچو و رویداویگ خنکیان، و زەخمداری کەسیگ ترەک وە تەزیان کارەبا، لە ناوچەیلیگ جیاجیا لە بەغداد پایتەخت.
سەرچەوەگە ئەرا ئاژانس شەفەق نیوز وت: گەنجیگ لەداڵگبوی ساڵ 2008 مەوقەی مەلوانیکردن لە ئاوای کازم عەزاب لە ناوچەی ئەبو غرێب خنکیا.
سەرچەوەگە وتیش؛ کەسیگ تر وە رویداو تلیان وەلایەن ماشینیگ لە ناوچەی دۆرە گیانی لەدەسدا، و هیزەیل ئەمنی خاوەن ماشینەگە دەسگیر کردن.
سەرچەوەگە دیاری کرد کە کابرایگ مەدەنی لە ئەنجام پلیان ماشینیگ سەربازی و رویداویگ هاتوچو وەرد ماشینەگەی لەبان ری حلە بەغداد گیانی لەدەسدا.
سەرچەوەگە وتیش: کابرایگ تویش زەخمداری هات لە ئەنجام وەخوارکەفتنی لە بان پاچینەیگ لە ئەنجام تەزیان کارەبا، لە ناوچەی شارع حەیفا لە بەغداد پایتەخت، وتیش: زەخمدارەگە ئەرا خەسەخانە بریا، و زەخمەیلی سەختە.
