کوشتن کەسیگ و پەیاکردن تەرمیگ و قورتارکردن ژنیگ لە خوەیکوشتن لە بەغدا
2023-06-11T07:56:41+00:00
شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە کوشتن کەسیگ و پەیاکردن ترمیگ وەگەرد قورتارکردن ژنیگ لە تەقەڵای خوەیکوشن وە رویداوەیل جیاجیا لە بەغدا.
سەرچەوەیلە وە ئاژانس شەفەق نیوز خەوەردان" مەرافەیگ لەناوبەین چەن هاوڕییگ سەرخوەش رویدایە لەناو یەکیگ لە هۆتێلەگان لەناوچەی عەلاوی، رەسیەس ئەرا وەکارهاوردن چەقوو وکەسیگ کوشیاگە"، وتیش" مەرافەگە لەبان پویل دروس بویە".
سەرچەوەیل خەوەردان "ژنیگ لە داڵگبوی 1986 تەقەلای خوەیکوشتن دایە وە خستنەخوار خوەی لەبان پیەڵ 14 رەمەزان و قورتارکریاس، ئاشکەرایکرد" گرفتەیل خیزانی لەپشت رویداوەگە بویە".
هەمیش بەغدای پایتەخت مەرافەیگ لەناوبەین پیاوگ عراقی و ژنە سوریەگەی لە ناوچەی ئەمین وەخوەی دی، وەپای ئەو زانیاریەیلە رەسیە دەزگای ئەمنی ژنەگە لەناو شوقە وە چەقوو لەلی دریاس.
سەرچەوەگە وتیش، " هەنای رەسینە شوین رویداوەگە ئاشکەرابویە مەرافەیگ لەناوبەین ئەو ژن و پیاوە دروس بویە لەئەنجام گرفتیگ خیزانی وەبی ئەوەگ دەسوەشنانن بوود تەنیا هەڕەشە بویە".
