هیزگردن ئاگر گەورەیگ لە شار سەدر بەغدا

شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە هیزگردن ئاگر گەورەیگ لە شار سەدر خوەرهەڵات بەغدای پایتەخت.    

سەرچەوەگە ئەرا ئاژانس شەفەق نیوز وت: تیمەیل وەرگری شارستانی رەسینە شوین رویداوەگە ئەرا کپەوکردن ئەو ئاگرە ک ئیوارەی ئمڕوو هیز گرد، لەناو موەلیدەی کارەبای تایبەت و تانکی گاز لە شار سەدر.  

وەرجەیە، سەرچەوەیگ شەوەکی ئمڕوو، خەوەردا ک تیمەیل وەرگری شارستانی ئاگر گەورەیگ لەناو کۆفی شۆپ (مایسترۆ) لە شارع فەلەستین خوەرهەڵات بەغدای پایتەخت کپەو کردن.   

جی باسە ک رویداوەیل ئاگر لەی ماوەی دویاییە زیایەو بوی، وەگەرد بەرزەوبوین پلەی گەرمی، لە وەختیگ وەرگری شارستانی ئویشێد ئەوە لەوەر پشتگووشخستن ریسگایل سەڵامەتی و وەکارهاوردن ساندویچ پەنەڵ تیەێد ک وەزوی ئاگر سینێد.