هەرچەن خوەی وەسێدارە داگە.. ئاشکرا کردن کوشتن ژنیگ لەلایەن هاوسەرەگەی لە بەغداد
شەفەق نیوز/ دژە تاوان بەغداد، ئمڕوو پەنجشەممە، ئاشکرای رووداو (نا دیاریگ) کرد , ک پیاویگ ژنەگەی خوەی کوشتگە و ملی وەپەڕوو بەساگە گوایە خوەی کوشتگە.
وەڕێۆبەرایەتی گشتی لە وەزارەت ناوخۆ لە بەیاننامەیگ ئمڕوو وت: دویای رەوانەکردن قاقەزەیل لێکۆڵینەوەگان لە رووداو خوەیکوشتن ژنیگ لەناو شوقەگەی خوەی، لەناوچەی بنووک لە بەغداد، وەکوتپڕ تیمیگ تایبەت لە نووسینگەی شەعەب دروسکریا ئەرا لێکۆڵینەوەیگ لە رووداوەگە ئەرا رەسین وە راسیەگە چوونکە نادیارە.
ودیاریکرد ک دویای گردەوکردن زانیاریەگان لەەرووداوەگە ،و لە لێکۆڵینەوە وەگەرد هاوسەر ژنە کوشیایەگە، لەپڕکچین وەپیەو ئاشکرا بوی، ک گومانکردن لەلی پەیا بوی، و هەنای لێکۆڵینەوەگان قویلەو بوین وە ئاشکرایی باس لە کوشتن ژنە هاوسەرەگەی کرد، و ودەسەیلی خنکانگەسەی لەوەر ناکۆکی لەناوبەینیان.
وەڕێۆبەرایەتیەگە وتیش؛ تاوانبارەگە کار خوەیکوشتنەگە هەڵوەسا و پارچەی پەڕوو پەلگانە یەکیگ لە دەرەیل شوقەکە تا نیشان بەێد گوایە هاوسەرەگەی خوەی کوشتگە، ئیجا پەیوەندی وە کەسوکارەیلی کرد و خەوەر خوەیکوشتنی وەپیان دا.
و ئاماژە کرد ک قسەیل تاوانبارەگە لەوەردەم دادوەر لێکۆڵینەوە واژوو کریان وەگورەی مادەی ٤٠٦ لە یاسای سزاگان تا رەوانە بکریەێدە دادگا.
