هيزيگ هاوبه‌ش سه‌ركرده‌يگ له حه‌شد له خوه‌رئاواى عراق ده‌سگير كردن
2020-02-24T09:39:00+00:00
شه‌فه‌ق نيوز/ سه‌رچه‌وه‌يگ وه‌رپرس سه‌ربازى، ئاشكراى ده‌سگيركردن سه‌ركرده‌يگ حه‌شد عه‌شايرى كرد له‌لايه‌ن هيزيگ هاوبه‌ش ك داوه‌زينيگ ئاسمانى ئه‌نجام دانه له پاريزگاى ئه‌نبار له خوه‌رئاواى عراق ئه‌را ده‌سگيركردنى.
سه‌رچه‌وه‌گه ئه‌را شه‌فه‌ق نيوز وت: ئه‌و هيز هاوبه‌شه پيكهاتگه له سوپاى ئه‌مريكى و ده‌زگاى دژه تيرۆر، ك ده‌مه‌و شه‌وه‌كى زوێ ئمڕوو داوه‌زينيگ ئاسمانى ئه‌نجام دانه‌و چينه‌سه ناو ماڵ(معه‌د عوبێدى)وه‌رپرس فه‌وج دو له حه‌شد عه‌شايرى له ناحيه‌ى به‌غداى سه‌ر وه قه‌زاى هيت له ئه‌نبار.
جى باسه، سه‌رچه‌وه‌گه هه‌ميش وت: ئه‌و هيز هاوبه‌شه وه‌گووره‌ى ياداشتيگ دادوه‌رى ده‌سگير عوبێدى كردنه له ناحيه‌ى به‌غدادى، وه‌بى باسكردن زانياريه‌يل تر.
