هيزيگ له ده‌سپاكى وه‌رپرسه‌يليگ گه‌ورا له نه‌ينه‌وا وه تومه‌ت گه‌نده‌ڵى ده‌سگير كرد
2020-04-26T20:38:43+00:00
شه‌فه‌ق نيوز/ سه‌رچه‌وه‌يگ ئه‌منى، ئاشكراى ئه‌وه كرد هيزيگ له ده‌سپاكى، وه‌ڕيه‌وبه‌ر گشتى په‌روه‌رده‌ى پاريزگاى نه‌ينه‌واو وه‌رپرسه‌يليگ تر ده‌سگير كردگه له‌وه‌ر تومه‌ت دارايى له يه‌كيگ له گريه‌به‌سه‌يل ئمزاكرياێ وه‌ل په‌روه‌رده.
سه‌رچه‌وه‌گه له باسيگ ئه‌را شه‌فه‌ق نيوز وت: هيزيگ له ده‌سپاكى وه‌ڕيه‌وبه‌ر گشتى په‌روه‌رده‌ى پاريزگاى نه‌ينه‌واو وه‌ڕيه‌وبه‌ره‌يل ژماريارى و ياسايى له په‌روه‌رده‌ى پاريزگاگه ده‌سگير كردگه له‌ئه‌نجام گريه‌به‌س وه‌ل يه‌كيگ له بانكه‌يل وه‌چه‌واشه‌ى دابه‌شكردن مووچه‌ى په‌روه‌رده‌ى نه‌ينه‌وا له‌ڕێ ماسته‌ر كارد.
سه‌رچه‌وه‌گه هه‌ميش وت: ئى پرووسه‌ى ده‌سگيركردنه وه‌گووره‌ى ياداشتيگ دادوه‌رى بويه‌و تومه‌تباره‌يليش خريانه‌سه زيندان ئه‌را ئه‌وه‌گ په‌يجورى وه‌ليانا بكريه‌ێد.
