هيزه‌يل ئه‌منى دووان له ئه‌نجامده‌ره‌يل په‌لاماره‌گه‌ى سه‌ڵاحه‌دين كوشتن
2020-05-31T10:17:21+00:00
شه‌فه‌ق نيوز/ وه‌رپرسيگ ئه‌منى له سه‌ڵاحه‌دين، ئاشكراى ئه‌وه كرد هيزه‌يل ئه‌منى تويه‌نستنه دو تيرۆريست له ريكخرياگ داعش بكوشن ك ئه‌نجامده‌ر ئه‌و په‌لاماره بوينه ك هيزه‌يل ئه‌منى له ده‌ورگرد ناحيه‌ى ئه‌لموعته‌سه‌م له باشوور خوه‌رهه‌ڵات پاريزگاگه كرده ئامانج.
سه‌رچه‌وه‌گه ئه‌را ئاژانس شه‌فه‌ق نيوز وت: هيزه‌يل ئه‌منى تويه‌نستنه دووان له تيرۆريسته‌يل داعش بكوشن له ناوچه‌ى سعێويه‌ى سه‌ر وه ناحيه‌ى ئه‌لموعته‌سه‌م له باشوور خوه‌رهه‌ڵات سه‌ڵاحه‌دين دوياى روێ وه‌ڕوێ بوينه‌وه‌يان وه‌ل ده‌وريه‌يگ ئه‌منى ك له‌تى پۆليسيگ كوشياو 3 كه‌سيش زه‌خمدار بوين.
سه‌رچه‌وه‌گه وت: هيزه‌يل ئه‌منى ناوچه‌گه وه ته‌واوى گه‌ردينه له‌شوون تيرۆريسته‌يل داعشى و باس له‌وه‌يش كرد حاڵ حازر بارودوخ ئه‌منى له‌ژير كۆنترۆڵه.
