نەجەف.. زیندانیکردن هەمیشەیی بازرگانیگ مادەی هووشبەر ئیرانی
2024-12-24T12:41:43+00:00
شەفەق نیوز/ سەرچەوەیگ ئەمنی لە پارێزگای نەجەف، ئمڕوو سێشەممە، خەوەردا دادگای تاوانەیل پارێزگاگە سزای بازرگانیگ مادەی هووشبەر خاوەن ناسنامە ئیرانی دا.
سەرچەوەگە وە ئاژانس شەفەق نیوز راگەیان "دادگای تاوانەیل نەجەف سزای زیندانیکردن هەمیشەیی ئەرا بازرگانیگ مادەی هووشبەر ناودەوڵەتی (خاوەن ناسنامەی ئیرانی) دەرکرد کە تەقەلا دایە بڕیگ گەپ مادەی هووشبەر ئەرا شار نەجەف ناوەن پارێزگاگە کلبکەێد".
سەرچەوەگە وتیش، "بڕیارەگە وە پشت بەسان وە مادەی 27/ یەکەم لە یاسای مادەی هووشبەر و کاریگەری دەروینیەیل شمارە 50 ساڵ 2017 دەرکریاس".
