نه‌جه‌ف مه‌رزه‌يلى داخست و له‌وه‌ر بوونه‌يگ ئايينى بار نائاسايى ئاشكرا كرد
شه‌فه‌ق نيوز/ شانه‌ى قه‌يران ناوچه‌يى تايبه‌ت وه له‌ناوبرن ڤايرۆس كۆرۆنا له نه‌جه‌ف، بڕيار داخستن مه‌رزه‌يلى و رێ نه‌داين وه هاتن مه‌ردم دا و چيه حاڵه‌ت بار نائاسايى له‌وه‌ر سازكردن گردبوينه‌وه‌يل ئايينى.
شانه‌ى قه‌يران له به‌ياننامه‌يگ ئه‌را ئاژانس شه‌فه‌ق نيوز، ئه‌وه ده‌رخست ك رێنمايى درياسه ده‌زگايه‌يل ئه‌منى رێ وه هويچ كه‌سيگ نه‌يه‌ن بچێده ناو پاريزگاگه وه بوونه‌ى ساڵياد شه‌هيدبوين ئيمام عه‌لى سڵام خودا له‌لى.
باس له‌وه‌يش كرد بڕيار درياگه شار كويه‌ن وه ته‌واوى دابخريه‌ێد له سه‌عات په‌نج ئيواره‌و سزاى هه‌ركه‌سيگيش بدريه‌ێد سه‌رپيچى بكا له رينمايه‌يل و ئاماژه وه‌يه‌يش كرد هيزه‌يل ئه‌منى ئه‌كه‌فنه حاڵه‌ت ئنزار(ج) و ته‌نيا رێ وه ره‌ساننكاره‌يل ئه‌دريه‌ێد ئه‌را ئاسانكاره‌يل ئه‌ركه‌يليان وه‌ل به‌عزيگ له ئاسانكارى مرۆيى له بازگه‌يل ده‌يشت شاره‌گه.
