نرخ دۆلار وەگەرد بەسیان بۆرسەی بەغداد و هەولێر زیاتر داوەزێد
2022-12-28T13:29:01+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوە چوارشەممە، وەگەرد بەسیان بۆرسەی بەغداد پایتەخت، و هەولێر پایتەخت هەرێم کوردستان داوەزیا.
پەیامنێر ئاژانس شەفەق نیوز وت: بۆرسەی کیفاح و حارسیە لە بەغداد پایتەخت، ئیوارەی ئمڕوو، لەبان نرخ ١٥٢٨٠٠ دینار عراقی وەرانوەر ١٠٠ دۆلار ئەمریکی دەرەیلیان بەسان.
شەوەکی ئمڕوو، نرخ ١٠٠ دۆلار ئەمریکی رەسیە ١٥٦٥٠٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی داوەزیا، ک نرخ فرووشتن ١٠٠ دۆلار ئەمریکی رەسیە ١٥٣٢٥٠ دینار عراقی، و نرخ سەنینی رەسیە ١٥٢٢٥٠ دینار عراقی.
لە هەولێر پایتەخت هەرێم کوردستان، نرخ دۆلار وەگەرد بەسیان بۆرسەی هەمیش داوەزین توومار کرد، ک نرخ فرووشتن ١٠٠ دۆلار ئەمریکی رەسیە ١٥٢٢٥٠ دینار عراقی، و نرخ سەنینی رەسیە ١٥٢١٥٠ دینار عراقی.
