گەنجیگ لە بەغداد مناڵ هاوسای کوشێد
2023-04-17T11:31:10+00:00
شەفەق نیوز/ گەنجیگ لەناو تەمەن بیس ساڵان، ئمڕوو دووشەممە، مناڵ هاوسای خوار تەمەن دە ساڵان کوشتیە، و پەنا وەرەو ماڵ کەسوکارەیلی بردگە، و ئەوانیش دانەی دەس بنکەی پولیس رەشاد لە بەغداد پایتەخت.
سەرچەوەیگ ئەمنی ئەرا ئاژانس شەفەق نیوز وت: خەوەر رەسیە لایەنەیل ئەمنی ک کەسیگ خوەی دادە دەس پولیس؛ و ئاشکرای تاوان خوەی وە کوشتن مناڵیگ لە ناحیەی جسر دیالە کردگە.
وتیش: تەرم مناڵەگە پەیا کریا لەداڵگبوی ساڵ ٢٠١٤، خوەنەوارە لە چوار سەرەتایی، لە ناوچەی حەی سەلام دانیشتگە، لە پارچە زەوی چووڵیگ پەیا کریا، ک ٢٠٠ مەتر لە ماڵیان دویرە، و دەرکەفت ک ئەو کابرا هاوسای مناڵەگە لە داڵگبوی ساڵ ٢٠٠٣، کوشتیەسەی و فڕەی داگە، و چیەسە ماڵ یەکیگ لە قەومەیلی لە ناوچەی رەشاد، و ئەرایان باس تاوانەگەی کردگە.
سەرچەوەگە وتیش: کەسوکارەیلی تاوانکارەگە دانە دەس بنکەی پولیس رەشاد، وە دەسکریا لێکۆڵینەوە ئەرا رەسین وە بندروس تاوانەگە.
