ناڕەزایەتی دژوە گەندەڵی لە ئەنبار.. و حەلبوسی سەرسامە
شەفەق نیوز/ دەیان لە دانیشتگەیل پارێزگای ئەنبار، ئمڕوو سێشەممە، وسیانیگ ناڕەزایی لەوەردەم وەڕێەوبەرایەتی شەهیدەیل لەپارێزگاگە کردن وەداوای مافە پەکخریاەیل، و لەبان پەکخستن کارەیلیان، و جاسم حەلبوسی جیگر پارێزگار دووپات کرد ک ریکارەیلیگ ئەرا کارەیلیان کریەێد.
یەکیگ لە رێکخەرەیل ناڕەزایەگە، ئەحمەد فەلاحی، ئەرا ئاژانس شەفەق نیوز وت: گیچەڵەگە لە وەڕێەوبەرایەتی فەرمانگەی شەهیدەیل و زەخمدارەیل و وەڕیەوبەرایەتی خانەنشینی فرە گەورەس، چۊنکە لە کۆنتڕۆڵ پارێزگاگە دەرچینە، هەرچەن پارێزگار تەقەلای کۆنتڕۆڵکردنیان دا وەلێ بیخود بۊ، وە دەسپیچگ پەیوەندی فەرمانگەگە وە بەغداد پایتەخت.
وتیش: کەسەیلیگ لە وەڕێەوبەرایەتیەگە وەدەسی چەن فەرمانبەریگ لەناوی وەڕی بەن تا بەشیگ لەو پۊلە بکەفێدە دەسیان، وەگەرد ساختەکاری فرەیگ. لەلای خوەییش جاسم حەلبوسی جیگر پارێزگار ئەنبار ئەرا ئاژانس شەفەق نیوز وت " دامەزراو شەهید و زەخمدارەیل لە ئەنبار سەروە دامەزراو شەهید و زەخمدارەیل بەغدادە، وتیش؛ باوەتەیل شەهیدەیل زنجیرەیگ لە ریکار و مووڵەت ئەمنی خوازن تا بزانن ئی باوەتە راسە.
وتیش: لەوەر تیکڵابۊن کاغەدەیلە دۊای رزگارکردنەگە، بایەتە هەر سەردانکەریگ ئەرا دامەزراوەگە لەلایەن دەسەیل ئەمنی دووارە بنووڕنە باوەتەگەی.
حەلبوسی وتیش؛ ئمڕوو سەرسام بۊم وەی ناڕەزاییە، ک ناچار پارێزگار کەس چەن ریکاریگ وەجی بارێد و داوا لە یەکیگ لە یاوەرەیل کرد بنووڕێدە کارەگە، و دووپات کرد ک ئەوەسا لە چەودێریکردن وەردەوام بۊمن چۊنکە فرەیی فەرمانگەیلە هیلێد گەندەڵی بوود.
هەرچەن پەیامنێر ئاژانس شەفەق نيوز تەقەلا دا قسەیگ لە عەمار نوری وەڕێەوبەر دامەزراو شەهید و زەخمدارەیل لە ئەنبار وەربگرێد، وەلی رازی نەۊی هۊچ قسەیگ بکەێد.
