ناوخۆی عراق: کۆمەڵەیگ تاوانبار لە مەیدان تەحریر تەقەلای ئاژاوەدەن لەناوبەین خۆپیشاندەر و هێزە ئەمنیەگان
2020-07-28T10:37:29+00:00
شەفەق نیوز/ وەزارەت ناوخۆ، ئمڕوو سێشەمە، خەوەردا لە کۆمەڵێگ تاوانبار مەترسیدار لە مەیدان تەحریر، ناوەند ناڕەزایەتیەگان لە ناوڕاس بەغداد پایتەخت.
وەزارەتەگە لە بەیاننامەیگ رەسیە ئاژانس شەفەق نیوز وت: دەزگا ئەمنیەگانمان لە ساعەتەیل گوزەیشتە و لەوه‌ر رووشنایی ئەنجام لێکۆڵینەوە سەرەکیەگان لە رووداوەیل شەو یەکشەممە-دووشەممە، رەوانگەی کۆمەڵێگ تاوانبار مەترسیدار کردن ك تەقەلادەی ئه‌را ئاژاوە ناین و دەسوشانن له خۆپیشاندەرەیل تا لە ناوەو مرافە بکەن وەل دەزگا ئەمنیەگان ک هاتنە ئەرا مقەیەتی ئارامی مەیدانەگە، و ماف ئاشکراکردن ئاشتەوایانەی خواسته‌یلیان .
وتیش؛ دووارە دووپاتکەیمن لە رینمایل فەرماندەی گشتی هێزە چەکدارەگان لە تەقەنه‌کردن له خۆپیشاندەرەیل لەوەر هەر هووکاریگ بویە، و فەرمان سەختیگ لەی باوەتە دەرچگە.
