ئمڕوو.. ١٥ شار عراقی لەناو لیست گەرمترین ناوچەیل جەهانە

 وێستگەی پلاسەرڤیل لە ویلایەت کالیفۆرنیای ئەمریکا خشتەی ١٥ ناوچە و شار جەهانی بڵاوکرد کە بەرزترین پلەی گەرمی لە جەهان تۆمارکردنە لە ماوەی ٢٤ ساعەت گوزەشتە.

 وەگورەی خشتەگە، شار بەسرە وە تایبەتی گەڕەک ئەلحوسێن لە باشوور عراق لە پێشەنگی لیستەگەس وە توومارکردن بەرزترین پلەی گەرما لە جەهان و رەسیەسە 50.5 پلەی سەدی، لە پلەی دویەمیش شار ئەهواز لە ئیران، وە 50.4 پلەی سەدی 

  شاری عمارە (سەنتەر پارێزگای میسان) لە باشوور عراقیش هاتە پلەی سێیەم  وە پلەی گەرمی 50.4 پلەی سەدی، ئیجا ناوچەی فڕۆکەخانەی ناودەوڵەتی بەسرە لە باشوور عراق لە پلەی چوارەم  وە خود پلەی گەرمی  50.4 پلەی سەدی. 

    لە خشتەگە شار ئابادان لە ئیران نیشان دریاس کە پلەی پەنجەم بوبا بەشی وە پلەی گەرمی 50.2 پلەی سەدی، ئیجا ناوچەی سافی ئاباد دیەزفول لە ئیران لە پلە شەشەم ەە پلەی گەرمی 50.2 پلەی سەدی، و فڕۆکەخانەی ناودەوڵەتی کوەیت لە کوەیت کەفتە پلەی هەفتەم، وە پلەی گەرمی ئا پلەی گەرمی 50 پلەی سەدی. 

 شار ناسریە لە باشوور عراق هاتە پلەی هەشتەم  وە پلەی گەرمی 50 پلەی سەدی، لە دوای ئەویش شار دمام لە سعودیە لە پلەی نوهەم، وە پلەی گەرمی 49.7 پلەی سەدی.

 لە پلەی دەهەم ناوچەی فاو کە باشووریترین بەش عراقە وە پلەی گەرمی 49.3 پلەی سەدی، لە پلەی یانزەهەم ناوچەی رفاعی لە پارێزگای زیقار لە باشوور عراق کە پلەی گەرمی 49.3 پلەی سەدییە، ئیجا شار سەماوە ناوەند پارێزگای موسەنا، لە پلەی ١٢ وە پلەی گەرمی ٤٩.٣ پلەی سەدی ، لە پشتی شار کوت حەی لە پارێزگای واست، لە پلەی 13، وە پلەی گەرمی 48.9 پلەی سەدی، شار عەلی لغەربی لە پارێزگای میسان لە باشوور عێراق، کەفتە پلەی 14، وە پلەی گەرمی 48.7 پلەی سەدی، لە کۆتایی ناوچەی بەدرە لە پارێزگای واست، ناوڕاس عێراق، لە پلەی ١٥، و پلەی گەرمی ٤٨.٧ پلەی سەدییە.