مۊشیگ مەرافەیگ نەێدەو رەسێدە زەخمداری ١٠ کەس لە نەجەف (وینە)

شەفەق نیوز/ سەرچەوەیگ ئەمنی لە پارێزگای نەجەف، ئمڕوو جومعە، خەوەردا لە مەرافەی سەختیگ رۊدایە لە باکوور پارێزگاگە لەوەر کوشتن مۊشیگ لەناو دوکانیگ بازرگانی. 

سەرچەوەگە وە ئاژانس شەفەق نیوز وت، " یەکیگ لە هاوڵاتیەیل  مۊشیگ لەناو دوکانیگ بازرگانی لە ناوچەی گەرەگ سەربازی لە باکوور شار نەجەف تووپانیە، خاوەن دوکانەگە وەی کارە تۊرە بۊیە و دەسکردیە وە مەرافە وەگەرد هاوڵاتیەگە وە مەرافەی سەختیگ لە مابەین هەردگ لا کۆتایی هاتیە ک دەوانچە و چەقو وکار هاوردنە". 

سەرچەوەگە وتیش، " مەرافەگە بۊیەسە مدوو زەخمداری ١٠ کەس و٤ لەلیان هالە پسای مەترسیداریگ، ئەرا خەسخانە کلکریانە تا چارەسەر وەربگرن، پۆلیس لێکۆڵینەوە لە مەرافەگە واز کردیە".