میترۆ داوای لێکۆڵینەوە لە ئاگر نوسینگەی هاوکاری ئەڵمانی کەێد
شەفەق نیوز/ ناوەند میترۆ دەزگای ئەمنی لە قەزای کفری، ئمڕوو جومعە، داوای لێکۆلینەوەی تونیگ کرد لە روداو سزیان رێکخریاگ هاوکاری ئەڵمانی و ئاشکراکردن ئەنجامەگەی ئەرا مەردم، دووپات کرد هاوهەڵوێستن وەگەرد ستاف رێکخریاگە.
رەحمان غەریب سەرۆک ناوەند میترۆ و بەرگیزیلە ئازادی رووژنامەوانەیل لە هەرێم کوردستان لە بەیاننامیگ رەسیە ئاژانس شەفەق نیوز وت: " شەوەکی شەفەق ئمڕوو، ئاگریگ لە نوسینگەی رێکخریاگ هاوکاری ئەڵمانی لە قەزای کفری سەر وە ئیدارەی گەرمیان کەفت"، وتیش،" گفتوگو وەگەرد وەڕێەوبەر نوسینگەی رێکخریاگە کردنە ئەڵاجەۊیی وە روداوەگە هاتیە وەتایبەت ئۆفیسەگەیان لە وەڕێەوبەرایەتی ئاگرکپکردن نزیکە".
وتیش؛ "ئێمە داوای لێکۆڵینەوەی کوتپڕ کەێمن، وەتایبەت ک رێکخریاگە ئۊشێد روداوەگە "کار کەسیگ" بۊیە".
هونەر فەخرەدین سەرپەرشت نوسینگەی هوکاری ئەڵمانی وە ناوەند میترۆ وت " نوسینگەی رێکخریاگە لە قەزاگە ئمڕوو شەوەکی شەفەق سوزیاگە دۊای ئەوەگ کەسیگ نەساریای لە پەنجەرەی پشت ئۆفیسەگە دەرچگە"، دووپاتکرد، " کارەگە پیلان ئەرای دانریاگە گشت دەزگایەل ناو نوسینگەیل سزانیە".
وتیش،" لێکۆلینەوە وەردەوامە و کارەگە کەسیگ ئەنجامی دایە".
