ململانەیلیگ هووزانە هەڕەشەی چووڵکردن فەرمانگەیل دوڵەت لە ناوچەیگ لە دیالە دەن
شەفەق نیوز/ وەرپرسیگ حکومەتی لە دیالە، ئمڕوو شەممە، ئاشکرا کرد ک ململانە هووزیەگان لە ناحیەی ئەبو سەیدا هەڕەشەی چووڵکردن زیاتر لە نیمەی فەرمانگەیل دەوڵەت لە فەرمانبەرەیل دەن لەوەر هووکارەیلیگ ئەمنی و کۆمەڵایەتی.
عەبدولڵا حەیالی وەڕێۆبەر ناحیەگە ئەرا ئاژانس شەفەق نیوز وت: نیمەی فەرمانبەرەیل فەرمانگەیل دەوڵەت لە نزیک ناوچەیل مرافە و ژاوەژاوە هووزانەگان داوای گواستەوەی فەرمی ئەرا فەرمانگەیلیگ تر خستنە وەردەس لەوەر هووکارەیلیگ ئەمنی و کۆمەڵایەتی.
وتیش: ئەو فەرمانگە حکومەتیەگان لە ناحیەگە ک دویرن لە شوونەیل مرافەگان داواکارەیل گواستنەوەی فەرمانەبەرەگان وەخوەیان نەین، و ئاماژە کرد ک گواستنەوەی فەرمانەبەرەگان مافیگ کەسایەتیە و ڕەتی نێکریەێد لەوەر رووداوەیلیگ ک هەڕەشەی ژیانیان دەن.
حەیالی دووپات کرد لە کەمەوبوین چالاکیە حکومەتیەگان لە فەرمانگەیل ئەبو سەیدا ئەرا رێژەیل گەورایگ لەوەر نائارامی ناحیەگە، لەبان پلان وکارەیل دەسەڵاتە ئەمنیەگان و تەقەلا وەردەوامەگان لەلایەن هووزەگان.
حەیالی دیاری کرد ک ناحیەی ئەبو سەیدا بەشبەش هووزانە بویە و بویەسە چەن کەرتیگ، هەر بەشیگ لەلیان هالە ژیر ئیڵیگ لە ئیڵە مرافەدارەگان.
