مردن کوڕ "سەدام حسێن" وە ئاگر لە کەرکوک

سەرچەوەگە وە ئاژانس شەفەق نیوز وت، "تیم وەرگیری شارستانی ئاگادارکریاس لە هیزگردن ئاگریگ لە ناو ئەماریگ مادەی خوەراکی لە ناوچەی عەمەل شەعبی لە باکوور خوەرئاوای کەرکوک"وتیش "ماشینەیل ئاگر کپەوکردن رەسینە شوین رویداوەگە و توەنستنە بەجەر ئاگرەگە بیەن کە ماڵیگ نیشتەجیبوین گردیەسە خەی و خێزانیگ هاناوی  لە ئەنجام مناڵەگەیان کە تەمەن سێ ساڵانە وەناو (رەیان سەدام حسێن) تویش سزیان سەختیگ بوی دەسوەجی گیان لەدەسدا".

سەرچەوەگە وتیش "ئەمارەگە لەژیر مەرجەیل بیوەیی پیشەیی نەویە کە بایەت لە ئەمارەیل مادە خوەراکی جیوەجی بکرێد باوجی بەرگیری شارستانی کۆنترۆل ئاگرەگە کردنە و نوای گردنە لە بڵاوبوینی ئەرا شوینەیل دەوروگەرد".

دووپاتکرد، "تەرم مناڵەگە رەیان سەدام حسێن ئەرا پزیشک دادوەری کلکریاس پۆلیس لێکوڵینەوە لە رویداوەگە وازکردیە ئەرا زانستن هووکار ئاگرەگە".