مردن و زەخمداری 4 کەس وە دوو رویداو هاتوچو لە زیقار
2023-01-15T09:20:26+00:00
شەفەق نیوز/ سەرچەوەیگ ئەمنی لە پارێزگای زیقار باشوور عراق، ئمڕوو یەکشەممە، خەوەردا لە مردن و زەخمداری چوار کەس وە رویداوەیل جیاواز لە پارێزگاگە.
سەرچەوەگە وە ئاژانس شەفەق نیوز وت: گەنجیگ 38 ساڵان ک لە مۆلیدەی کارەبای تایوەت کارکەێد لە قەزای سوق ئەلشێخ لە پارێزگای زیقار گیان لە دەسدایە وە مدووی کارەباگردن لەوەخت کارکردنی.
سەرچەوەگە وتیش: رویداویگ هاتوچو لەبان ری ناودەوڵەتی زوینە لەناوچەی ئەبو غار لە باشوور خوەرئاوای پارێزگاگە رویدایە لە ئەنجام پلیان ماشینیگ لە جویر (پیکئاب)، رویداوەگە بویە هووکار گیان لەدەسدان رانندەگە و زەخمداری سێ سەرنشین.
