مردن وزەخمداربوین ٤ مەدەنی وە رووداویگ دڵتەزن لە خانەقین

شەفەق نیوز/ سەرچەوەیگ خۆجێیی، ئمڕوو جمعە، خەوەردا لە مردن و زەخمداربوین چوار مەدەنی وە رووداویگ هاتووچو لەبان ری مەنزەریە لە دەورگرد شار خانەقین.

سەرچەوەگە ئەرا ئاژانس شەفەق نیوز وت: ماشینیگ چوار کەس هەڵکردگە، لەبان ری مەنزەریە، داگە پایەی کارەبایگ، و بویە هووکار پارچەکردن ماشینەگە و مردن رانندەگە و زەخمداربوین سەختیگ ئەرا سێ کەس تر.

وتیش: زەخمدارەگان ئەرا خەسەخانە بریان، و تەرم قوربانیەگە وەرەو پزشک دادوەری رەوانە کریا.