مردن ژنیگ و زەخمداریبوین 8 کەس وە رویداو هاتوچو لە دیالە و بەغدا
2024-03-13T07:29:46+00:00
شەفەق نیوز/ سەرچەوەیگ ئەمنی ئاگادار، ئمڕوو چوارشەممە، خەوەردا لە زەخمداری 5 کەس لەبان ری بەعقوبە ـ ناسڕیە لەناویان بارودۆخی سەختە، لەهەمان وەخت ژنیگ وە رویداو هاتوچو لە بەغدا گیان لەدەسدا.
سەرچەوەگە وە ئاژانس شەفەق نیوز وت، "5 کەس تویش زەخمداری هاتنە لەناویان بارودۆخیان سەختە وە رویداو لەیەکەوداین ماشین تاکسیگ وەرد بارهەڵگریگ لەناوەین ری بەعقوبە ـ مەنسوڕیە نزیک فرۆکەخانەی بن فرناس، و ئەرا خەسخانە کلکریانە".
لەهەمان وەخت سەرچەوەگە وتیش؛ "ژینگ گیان لەدەسدا و سێ کەسیش وە سەختی زەخمداربوین، لەئەنجام پلیان ماشینیگ و لەیەکەودان وەگەرد ستوین کارەبا لەبان ری خێرا لەتیفیە باشوور خوەرهەڵات بەغداد".
سەرچەوەگە دیاریکرد "هێزە ئەمنیەیل رێکارەیل پێویست وەرگدنە و زەخمادرەیلە ئەرا خەسخانە و تەرم ژنەگەیش ئەرا پزیشک دادوەری کلکردنە".
