مردن سێ مناڵ و زەخمداری داڵگ و باوگيان وە هیزگردن ئاگر لە بەغدا
وەرگیری شارستانی لە بەیاننامەیگ رەسیە ئاژانس شەفەق نیوز وت: تیمەیلیان توەنستنە داڵگ و باوگیگ قورتاربکەن هەنای لەناو خەو تاسیانە لە دویای ئەنجامدان فریاگوزاری سەرەتایەیل و زینگکردنەوەی سویە ئەرایان، وەگەردیا تەرم سێ مناڵیان دراوردن ک لەناو ماڵەگە تاسیانە ک وە ئەلیکۆبۆن داپووشیاگە ک زوی ئاگر گرێد و دویکەڵ خەسیگ دروسکەێد و پیچەوانەی رێنمایەیل سەلامەتیە ک وەلایەن وەڕیەوبەرایەتی وەرگیری شارستانی لە ناوچەی ئیعلام لە باشوور بەغدا.
لەبەیاننامەگە ئاشکەرا کرد، تیم وەرگیری شارستانی لە ساعەتیل سەرەتای شەوەکی شەفەق چینەسە بان ماڵیگ ک سزیایە لەدویای ئەوەگ ماڵەگەی شانیان لەری تەلەفۆن 115 خەوەردانە لە سزیان ماڵ هاوساگەیان، هەر وەگەرد رەسین دەسکردنەس وە رێکارەیل و کارەیل قورتارکردن وەگەرد کارەیل کپەوکردن و ئاخڵەدان ئاگرەگە و کلکردن زخمدارەیلە ئەرا خەسخانە و تەرم مناڵەیلیش ئەرا پزیشک دادوەری کلکریایە رێکاریەیل یاسایی وەرگیریەێد.
لە بەیاننامەگە دیاریکرد، "وەڕیەوبەرایەتی وەرگیری شارستانی داوای لێکۆڵینەوە وازکردن لە رویداوەگە کردیە".
