مردن دوو کەس و زەخمداربوین کەسەیلیگ تر وە دوو رووداو جیاجیا (وێنە)
2021-02-11T07:03:04+00:00
شەفەق نیوز/ سەرچەوەیگ ئەمنی، خەوردا لە مردن شوفێر تانکەریگ سووتەمەنی لەبان ری مووسڵ بەغداد، شەفەق ئمڕوو پەنجشەممە.
رواوەگە لە نزیک لەیکیگ لە ئاوایەیل باشوور شار مووسڵ قومیا، ک بویە هووکار مردن شوفێرەگە و سزانن تەواوەتی تانکەرەگە، هەرچەن تیمەیل وەرگری مەدەنی تەقەلای کپەوکردنی دان.
وەگورەی سەرچەوەگەی ئاژانس شەفەق نیوز؛ شوفێر تانکەرەگە خەڵک مووسڵە، و تەرمەگەی ئەرا فەرمانگەی پزشک دادوەری بریا، و کەسوکارەیلی ئاگادار کریان.
لەی چینه، يەک کەس لە رووداویگ هاتووچو لەبان ری حەمزە لە پارێزگای دیوانیە مرد و دووان زەخمدار بوین.
وێنەگان لە رووداوەگەی مووسڵ هانە ئی خوارە.
